Редовни забави

За разлика од завршните забави, Sonrisa организира и пократки, редовни неделни вечери за танцување во бар — членовите доаѓаат да го вежбаат наученото на час и да се дружат надвор од салата, без однапред закажана сценска програма или настапи.

Повеќе од една деценија го танцуваме Скопје.

2013. Приказната на редовните забави започнува на 17 октомври, во Fun Caffe — првата вечер посветена само на танцување, надвор од салата.

2015–2019. Енергијата на Sonrisa се движеше низ градот, локал по локал: Fourplay Cafe, Умбрела („Децата од нашата улица“), Juice Bar, Подрум Вински Бар и Caffe di Roma. Следуваа Casa Cubana, Кафе Сидро и Rakija Bar „Калдрма“, а периодот го заокружи серијата Latin Nights вечери.

2022–2023. Добивме и своја сала во Аеродром — а забавите продолжија паралелно и низ градот, во Inside Bar, Бифе Тафталиџе, СРЦ Карев и House of Legends.

Од 2024 до денес. Продолживме низ Havana Summer Club, Cuban Cocktail Bar, Musandra Night Club, La Boheme и Heart Bar, до Makka Bar — нашата сегашна редовна адреса за танцување, од ноември 2025 година.

Местата се менуваат, но радоста останува иста: музика, танц и луѓе што заедно му даваат поинаков ритам на Скопје.